Penzići va Golubinjaku

I ovo leto smo bili na Susretu umirovljenika , koga j’ , pod pokroviteljstvon Primorsko-goranske županije, organizirala Matica umirovljenika PGŽ.

20-ti po redu, jubilarni susret, se j’ održal va park šumi Golubinjak, sobotu, 6. srpnja 2019. leta po prelipon vrimenu i z’ puno judih.

Zahvaljujuć prijavjenon i po Općini Čavle financiranon projektu Javnih potreba za 2019. za sih ki su šli na druženje, ali i sportska i kulturna događanja va Golubinjaku, se j’ bilo besplatno.

Za sportska natjecanja prijavjeni su člani udruge va četire discipline: boćanje, pikado, kartanje i viseća kuglana. Moramo reć da j’ bilo prijavjeno 246 ekip va raznih disciplinah, odnosno 715 penzićih se j’ natjecalo, najviše va pikadu i boćanju. Baš zato su i  zlatne medaje ke su naše ženske osvojile “zlatnije”, ne umanjujuć osvojeno srebro va kartanju /falel  je jedan bod za prvo mesto/.

Na ov’ način čestitamo našin članican na osvojenih medajah za:

I mesto pikado za ženske:
1. Melita Lalić
2. Mladena Sović
3. Katarina Prpić
4. Elizabeta Šimičević /najboji pojedinac z’ najviše osvojenih bodih-pokal/

I mesto boćanje za ženske:
1. Ivana Maršanić
2. Smilja Kraić

II mesto kartanje za ženske:
1. Jasna Juršić
2. Dobrila Međed

Tročlanoj ekipi ka se j’ natjecala va visećoj kuglani više sriće drugi put.

I da bimo i kletu! Na Platku!